
Çin "iPhone"nu qadağan etdi

Çin hökumət qurumlarına Apple şirkətinin "iPhone" və digər xarici brend cihazlarından biznes məqsədləri üçün istifadəsini və bu cihazları ofisə gətirməyi qadağan edib.
Busaat.az xəbər verir ki, bu barədə Wall Street Journal məlumat yayıb.
Qadağa qərarı "Apple"in gələn həftə "iPhone"ların yeni modellərinin təqdim olunacağı tədbirdən əvvəl qəbul edilib. Bu qərar, ABŞ və Çin arasında gərginliyin artması səbəbindən Çində fəaliyyət göstərən xarici şirkətlərdə narahatlıq yaradır.
Son illərdə Çin məlumat təhlükəsizliyi ilə bağlı narahatlıqlar artdıqca şirkətlər üçün yeni qanunlar və qaydalar çıxarmağa başlayıb.























